Gaurko klasean, hurrengo asteko saioan, teknologiaren inguruko azalpen batzuk ematera irakasle bat etorriko dela esan digu Joxemik.
Talde bakoitzak aukeratu duen ikastola eta gaiak jakinarazi dizkiogu.
Saioari hasiera emateko, Amara berriko bideo bat ikusi dugu. Bertan Txiki web-ari buruz hitz egiten da.

De gainzuri

Txiki web-a txoko bat da eta bi ordenagailu daude eta lau ikasle egoten dira bertan. Irratian adibidez, haurrek euren ipuinak irakurtzen dituzte eta grabatu egiten dituzte; ondoren txiki web-ean txintxilikatzeko. Editoreek ongi etorria egiten dute, lerro batzuk idatzi eta argazkiren bat jarri. Eskanerra ere erabiltzen dute, Haur Hezkuntzako haurrek egindako marrazkiak txiki web-ean zintzilikatzen dituzte. Lana ongi antolatuta izaten dute eta orri batean idazten dute egin behar dena edo txiki webean aterako dena. Irakasleak ez ditu klase magistralak ematen, arazo teknikoak konpontzen laguntzen die eta egin bahrrekoa gogorarazten die.
Astero egindako lana baloratzen da eta haurrei agiri bat ematen zaie euren lana baloratzeko.

Klikatu hemen bideoa ikusi nahi izanez gero: Amara Berri txiki web

Gelakideen blog batzuk begiratzen ari nintzela, Naiararen blogean sartu eta Jakintza ikastolako Ikasyz proiektuari buruzko bideo interesgarri bat ikusi dut. Bertan proiektu honi buruzko ikasle eta irakasleen iritziak agertzen dira eta nire blogean ere jartzea erabaki dut.

ikt

Picasa albumak saltseatu ostean, argazki bat igotzea egokia iruditu zait

Hasieran gaurko klasean eta biharkoan egingo duguna azaldu digu Joxemik eta jarraian, hainbat gauza azaldu dizkigu.
Nik ordenagailua pizterakoan arazo bat izan dut baina konpondu dugu.
Klaseari hasiera eman diogu eta Picasa web albumetan saltseatzen ibili gara. Honen bidez argazkiak gure blogean jar ditzakegu eta erabilgarria iruditu zait. Guk gure blogean jartzeko aukera ere izan dugu.
Ondoren, web quest-a zer den ikusteko aukera izan dugu eta web quest ezberdinak ikusi ahal izan ditugu. Esan genezake, unitate didaktiko birtual antzekoak direla. Hauen artean asko gustatu zait " denok jatera!" edo "todos a comer" izeneko unitate didaktikoaren web quest-a. Web quest honetan hainbat puntu azaltzen dira. Hona hemen sarrera!

De ikt

Irakasleak izango garenez, egunetik egunera aldatzen ari den testuinguru batean lan egin behar dugu. Beraz, testuinguru hau ezagutu eta bertan parte hartu beharko dugu. Horretarako, aldaketa berriei aurre egin behar diegu eta ahalik eta prestatuen egon kasu hauetan aurrera egiteko.
Irakaslearen ustetan bideoekin lan egitea izan liteke bide bat. Honako eskema jarraituz dezakegu: bideoaren deskripzioa, mezuaren analisia, resonantzia (iritzi pertsonala eraikitzea), elkarrizketa (besteen iritziak entzuteko eta horiekin adosteko edo ez) eta konklusioa.

Aste santuko oporren ondoren, berriz ere klasera etorri gara.
Hasieran gure lanei buruz galdetu du irakasleak eta digitalizazioaz eta interakzioaz aritu da hizketan.
Ondoren IKT-ak zer diren eta zertarako balio duten azaldu digu. IKT-ak komunikazio eta informaziorako teknologiak dira eta helburu garantzitsuena ez da teknologia ikastea. Tekonologia ez da errepikatzearen ondorioz ikasten, komunikazioaren bidez baizik. Hau da, ezagutza baldintzk, kontzeptuak... erlazionatzen, antolatzen, konpartitzen... ikasten da. Gainera, elkarrekintza ordenagailu eta pertsonen artekoa izango da, ez ordenagailu eta pertsona baten artekoa bakarrik.
Irakasle batek teknologia aldetik, gaitasun minimo batzuk menperatu bahrko ditu. Beste zenbaiten artean, testu prozesadoreak, software askeak eta hezkuntza atariak izango ditugu. Azken hauek hezkuntza munduan garrantzitsuak direla iruditzen zait.
Aurrerago. konstruktibismoaz eta teknologiaz aritu gara. Eskola tradizionalaren eta konstruktibisteran aldeak ere ikusi ahal izan ditugu taula batean.

IKT-REN AZTERKETAN ALDAKETAK
Atzo azaldu nizuen IKT-ei buruzko lana Urretxuko bi eskolekin burutuko genuela, baina gaurkoan ideiaz aldatu dugu. Izan ere, taldekide bat Ordiziakoa da eta bere eskola lan honetan sartzea gustatuko litzaiokela adierazi digu, horregatik Ordiziako Jakintza iakstola ere aztertuko dugu.


Beraz, hirugarren eskola hau lanean sartzen badugu honakoak izango dira aztertuko ditugun eskolak. Urretxuko Gainzuri ikastetxea, Urretxu-Zumarragako ikastola eta lehen esandako, Ordiziako Jakintza ikastola.



Ideia ona iruditu zaigu hirugarren eskola sartzea azterketa honetan, aztertuko dugu errealitatearen esparrua zabalagoa delako. Gainera, herri ezberdinetako errealitateak aztertzeko eta konparatzeko aukera iznago dugu.


Beraz, hau da momentuz IKT-een lanari buruz esan dezakeguna. Gure azterketan aurrera egin ahal blog honetan edota taldeko beste kideen blogetan gure emaitzak ikusi ahal izango dituzue.

Bigarren bideoa

Bigarren bideoan gauzak zertxobait aldatu dira eta teknologiaren aurkezpena ez da hain zoragarria izan, hau da, ez dute aurrekoa bezala, itsu itsuan saldu.
Teknologiak gauza asko aldatu dituela esan dute eta hori begi bistakoa da. Hala ere, bakoitzak konsziente izan behar duela esan dute eta hori guretzat ezinbestekoa da. Lehen esan bezala, kritiko izan behar dugu eta ongi jakin behar dugu non gabiltzan eta noraino erabiliko dugun.
Beraz, bigarrenenean ere teknologiaren aldeko apostua egin dute baina askoz ere zentzudunagoak izan dira.

Alfabetizatze berriak

Teknologia hezkuntzan ( bideoa)

Bideo hau ikusi dugu gaur klasean eta ondoren denon arteko hausnarketa egin dugu talde handian. Ondoren talde txikitan bildu gara eta bideoaz dugun iritzia jakinarazi diegu taldekideei. Gelan azaldu diren ideia askorekin bat etorri gara baina ohikoa den bezala, zaila da denekin bat etortzea.
Argi dago, teknologiak aukera asko eskaintzen dituela baina bideoa gehiegizkoa iruditu zaigu. Izan ere, bideoan denak polita dirudi baina errealitatean gauzak ez dira hain errazak. Teknologia hainbesterako erabilita, bidean gauza asko galtzen direla iruditzen zaigu. Hala ere, badakigu teknologiak aurrera egingo duela eta hezkuntzarako ere baliabide egoki bat izango dela. Hori bai, kritikoak izan beharko dugu eta komeni zaigun bezala erabiliko dugu; beti ere, beste baliabideekin uztartuko dugularik.
Haurren heziketan baliagarria iruditzen zaigu beraz, baina beti ere puntu bateraino, hau da, guretzat izugarrizko garrantzia du haurren arteko harremanak eta askotan beldurra ematen du teknologia horrenbesteraino sartzeak.
Beraz, garrantzitsuena teknologia hori erabiltzen jakitea eta zertarako erabiliko dugunaz konsziente izatea izango da garrantzitsuenetarikoa.